Yeh Baatei.n Jhoothi Baatei.n hai.n

In the post on Ghulam Ali concert, I mentioned the nazm I liked most was one by Ibn-e-Insha. I tried to find the poem on the net, but it proved to be difficult - I just found one source for it.

Here is the poem. If anyone is aware of any inaccuracies/incompleteness, please let me know ....

Yeh Baatei.n Jhoothi Baatei.n Hai.n....

Yeh Baatei.n Jhoothi Baatei.n Hai.n, Yeh logo.n Nay Phailaaii Hai.n
Tum Insha Ji Ka Naam Na Lo Kya Insha Ji Saudai Hai.n

Hai.n Laakho.n Rog Zamanay Mei.n Kyo.n Ishq hai Ruswa Bechara
Hai.n Aur Bhi Wajhei.n Wehshut Ki Rakhti Ji ko Dukhiyaara
Haa.n Bekal Bekal Rehta Hai Wo Preet Mein jis Nay Ji Haara
Per Subah Se Le Kar Shaam Talak Yo.n Kaun Phirega Awara
Yeh Baatei.n Jhoothi Baatei.n hei.n Yeh Logo.n Nay Phailaii hai.n
Tum Insha ji Ka naam Na Lo Kia Insha Ji Saudaaii Hai.n

Gar Ishq Kiya Hai Tab Kiya Hai, Kyo.n Shaad Nahi.n Aabaad Nahi.n
Jo Jaan Liye Bin Tal na Sakay Yeh Aisi Bhi Uftaad Nahi.n
Yeh Baat To Tum Bi Maanoge wo Qais Nahi.n Farhaad Nahi.n
Kya Hijr Ka Daaroo Mushkil Hai Kya Vasl Ke Nuskhay Yaad Nahi.n
Yeh Baatei.n Jhoothi Baatei.n hai.n Yeh Logo.n Nay Phailaii hai.n
Tum Insha ji Ka naam Na Lo Kya Insha Ji Saudaaii Hai.n

Wo Larki Aachi Larki Hei, Tum Naam Na Lo Hum Jaan Gaye
Wo Jis Ke Lambay Gesoo Hai.n, Pehchaan Gaye Pehchaan Gaye
Haa.n Saath Hamaaray Insha Bhi Us Ghar Mei.n Thay Mehmaan Gaye
Par Us Se To Kuch Baat na Ki, Anjaan Rahe Anjaan Gaye
Yeh Baatei.n Jhoothi baatei.n Hai.n, Yeh Logo.n Nay Phailaii Hai.n
Tum insha Ji Ka Naam Na Lo, Kiya Insha Ji Saudaii Hai.n

Jo Hum Se Kaho Hum Kartay Hai.n, Kya Insha Ko Samjhaana Hai
Us Larki Se Bhi Keh Lenge, Go Ab Kuch Aur Zamaana Hai
Ya Chorei.n Ya Takmeel Karei.n, Yeh Ishq Hei Ya Afsaana Hai
Yeh Kaisa Gorakh Dhandha Hei, Yeh Kaisa Taana Baana Hai
Yeh Baatei.n Jhoothi Baatei.n hai.n, Yeh Logo.n Nay Phailaii Hai.n
Tum Insha Ji Ka Naam Na Lo, Kiya Insha Ji Saudaii Hai.n